艺人吴卓羲10年警察生涯，演足10年阿Sir，系咩玩法（艺人吴卓羲10年警察生涯）是真的吗？-莫卡妮生活网-记录每日创新科技时尚娱乐生活Mocany

艺人选择拍剧作为职业，就系享受做唔同角色嘅乐趣。

但唔少艺人因为做某啲角色类型入型入格，往后演出几乎做返同类型嘅角色。

最好似已经离开咗TVB嘅吴卓羲咁，其实佢呢10年嚟做过无数警察角色，小至学警，大至警司，名副其实「10年警察晋升之路」。

2005年4月 - 2005年10月: 警察训练学校学警UI 66336 （学警雄心）

11年前，仲系上紧位嘅吴卓羲同陈键锋孖兄弟合作《学警雄心》，吴卓羲凭钟立文一角奠定往后警察之路。

2005年11月 - 2009年2月: 油麻地军装巡逻小队 (学警出更)

嚟到《学警》系列第二辑，就紧系要升一升职，当时吴卓羲饰演嘅钟立文已经成为警察，之后仲入埋入PTU受训！

2009年2月 - 2011年3月: 特别职务队／卧底／调查科警长(学警狙击)

《学警狙击》系《学警》系列第三辑，呢辑可谓三辑之中最受观众赏识嘅一集，成功令谢天华饰演嘅Laughing Gor弹起，吴卓羲更进一步接受更危险嘅任务，假扮卧底潜入犯罪集团，最后升为调查科警长！

2011年4月 - 2011年9月: 重案组／警民关系组警察学校联络主任（点解阿SIR系阿SIR）

《学警》系列完咗，唔代表吴卓羲嘅警察生涯结束，喺《点解阿SIR系阿SIR》入面，佢饰演重案组督察，其后入学校查案，成为警民关系组警察学校联络主任。呢次成熟咗稳重咗，连地位都重要咗。

2011年10月 - 2014年2月: 西九龙重案组警长（SGT63251）（法证先锋）

查完案后嘅吴卓羲喺《法证先锋》入面饰演西九龙重案组警长，同下属、任职高级督察嘅徐子珊有感情线。其实吴卓羲同徐子珊都系其中一对荧幕情侣。

2014年3月 - 2014年6月: 特别任务连行动组督察

3年后，吴卓羲喺《叛逃》荣升做行动组督察，仲揾返失散嘅大佬陈展鹏！

2014年7月 - 2016年5月: 重案组高级督察（忠奸人）

喺《中间人》入面，吴卓羲重操固技，出任卧底调查杜以铿（李子雄）及高哲行（郭晋安）犯罪证据。去到呢个地步，吴卓羲已经唔系当初学警入面果位冲动少年。

2016年6月 - 现在: 爆炸品处理课（电影拆弹专家）

离开TVB后，吴卓羲嘅警察之路仍然继续，喺新戏《拆弹专家》任职爆炸品处理课。虽然吳Sir已经转战大银幕，但都离唔开呢个警察框框。

当然啦，警员之路只系吴卓羲演艺生涯其中一部份，有时都做下机师、赛车手、普通市民、电车男等等，但最深入民心始终系做警察啰！

本文链接：http://www.mocany.com/showinfo-2-16451-0.html艺人吴卓羲10年警察生涯，演足10年阿Sir，系咩玩法（艺人吴卓羲10年警察生涯）是真的吗？

声明：本网页内容旨在传播知识，若有侵权等问题请及时与本网联系，我们将在第一时间删除处理。邮件：2376512515@qq.com。天上从来不会掉馅饼，请大家时刻谨防诈骗

艺人吴卓羲10年警察生涯，演足10年阿Sir，系咩玩法（艺人吴卓羲10年警察生涯）是真的吗？